حـشـمـت الصالـحـين

[ندعوك للتسجيل في المنتدى أو التعريف بنفسك لمعاينة هذا الرابط]

قصيدة حَـشّـمْـتْ الصّـالْـحِـينْ
للمرحوم الحاج أحمد بن عبيد ، المدعو محليا: الشيخ أحمد
المـولود في : 1921 بالأبيض سيدي الشيخ ، المتوفى في : 04/02/1990

[ندعوك للتسجيل في المنتدى أو التعريف بنفسك لمعاينة هذا الرابط]

حَـشَّـمْــتْ الصَّالْحِينْ يَـقْــدُو لِي فَـالْــجَـاهْ

يَــوْمْ الْــجَـمْـعَـه اتْـفَـاقْـهُـمْ فِي وَادْ " ارْبـَا "

أوْلِــيَّــــا كَـامْـلِـــيـنْ كُــلْ وَاحَــدْ بَسْـــمَــاه

و َ" الْـجَـيْــلاَلِي" هُـوَّ اوْكِــيـلِي فَـالــطَّــلْـــبَه

يُـوصَــلْــلِّــي فَــارَسْ لَـمْــشَـالِي هُوْ وَبَّـاهْ

مُــولَى سَـبْــعَــــه الـشِّيخْ مَركُوبْ الشَّــهْــبَـه

اشْــبُـوبْ الْـخَـيْـــلْ قَـاعْ مَـنْــهَا مَــا تَـلْـقَـــاهْ

وَاسْــــعَـــتْ الْـــبَادْرَه امْـسَـلْـسْـلَــتْ الــرَّقْـبَــه

بَيْضَا مَنْ جِـيرْ وَلْــقْـــطُـنْ أُو ثــلْـجْ امْـعَــاهْ

اصْــفَـا مَـنْ شَــاطْــبِي مَـنْ قَــبْــلَ الْــكَـتْـبَــه

قَــرَّارْ امْـــعَ انْــجُــومْ جَــا طَـالَــعْ بَــضْــيَـاهْ

وَبْـيَــانْ الْــحَـالْ قَـبْــلْ تَـحْــــذَارْ الـطُّـلْـبَــــــه

تَـتْـنَـــــــسَّـمْ كَــلْـبْــرَقْ إذَا رَيَّــشْ بَــضْــيَــــاهْ

مَـعْــزَة ْعَــرّادْ رِيــمْ وَسْــــــطْ اجْـــلِــيـــــبَـــــــه

مَرْكُوبَــــه سيــد الشِـــيخْ مَنْ شَايَعْ بَـــشْــنَاهْ

تَـنْـدَهْ بـــيهْ لَـمْـــحَــالْ يَوْمـَـنْ تَـتْـــشَــــابَـــــه

[ندعوك للتسجيل في المنتدى أو التعريف بنفسك لمعاينة هذا الرابط]